Also Laid des glawerde ned, d Handballer hen zum Noma Muschdang dazu gnomma. FSV Handball Mustang so haiße die jezd. Wenn i des richdig verschdanda hab, den sich die Junge damid leichder idendifizira. Ja ja Rhein Negger Lewa un so. Des had nadierlich den Vordeil das die an Schdallgnechd braucha, un des bin i. I wär aich imm`r amol widder äbbes von da Muschdangs verzähla.

Fohlen braucha mer, des war die Dewiesa. Do hen a paar Dräner sich ins Zeig glegd un hen a Schnubberdräning un a Schdaddmoschderschaft im 8 – Kambf organisierd. Gleichzeidig had m`r a s`Kinderschbordabzeicha macha kenna. Des hat uns Nochwuchs brachd, neddamol wenig. Schbäder hen mer mid d`r Hilf vom DSB, Deutscher Sport Bund, a Move Veroschdaldung gmachd. An ganza Nochmiddag für Kinder in d`r Schbordhalla. An Riesa Erfolg. Do muss i scho da Hud ziega vor dena Organisadora, glasse gmachd!! Hud ab. Au do hen mer Fohla dazu gwonna.

Bei de akdiva Muschdangs war am Ofang ned grad alles subber. Awer jezd lefds widder. Ausglicha schdehnse grad do. 6:6 Pungd alles gud.

An Handballer Schdammdisch gibds a, jeden ledschda Freidag im Monad um 19 Uhr. Der isch nadielich im Reiderschdüble in Kochadorf bei der Miri un am Sven. Do kann jeder Handballer und Exhandballer un Handballfraind vorbei komma.

Also dann, bis bal amol widder aier Schdallgnechd.